இந்த ஆண்டுக்கான வாக்காளர் பட்டியல்
திருத்தத்தின்போது புதிதாக சேர்க்கப்பட்ட 21 லட்சத்து 98 ஆயிரத்து 936
பேருக்கு வாக்காளர் புகைப்பட அடையாள அட்டை வழங்கப்பட்டுவிட்டது என்று தமிழக
தலைமைத்தேர்தல் அதிகாரி பிரவீண்குமார் தெரிவித்துள்ளார்.
இதுகுறித்து அவர் நேற்று வெளியிட்ட செய்திக்குறிப்பில் கூறியிருப்பதாவது:–
புதிய வாக்காளர்களுக்கு…
இந்த ஆண்டுக்கான வாக்காளர் பட்டியல்
சிறப்பு சுருக்கமுறை திருத்தத்தின்போது வாக்காளர் பட்டியலில் புதிதாக
சேர்க்கப்பட்ட வாக்காளர்களுக்கு வாக்காளர் புகைப்பட அடையாள அட்டை
வழங்கப்பட்டுவிட்டது. இந்த திருத்தத்தின்போது 22 லட்சத்து 7ஆயிரத்து 364
பேர் புதிய வாக்காளர்களாக சேர்க்கப்பட்டு உள்ளனர்.
இவர்களில் 8 லட்சத்து 60 ஆயிரத்து 655
பேருக்கு கடந்த ஜனவரி 25–ந்தேதி சட்டசபை தொகுதிகளில் நடைபெற்ற தேசிய
வாக்காளர் தினத்தின்போது வாக்காளர் புகைப்பட அடையாள அட்டை வழங்கப்பட்டது.
மீதமுள்ளவர்கள் அந்தந்த வாக்குச்சாவடி அதிகாரிகள் மூலம் பெற்றுக் கொண்டனர்.
வாக்காளர்கள் இடம் மாறிச் சென்றது, வாக்காளர் மரணம் போன்ற பல்வேறு
காரணங்களால் 8 ஆயிரத்து 428 பேருக்கு வாக்காளர் புகைப்பட அடையாள அட்டை
வழங்கப்படவில்லை. இந்த தகவல்
www.elections.tn.gov.in என்ற இணையதளத்தில் வெளியிடப்பட்டு உள்ளது.
வாக்காளர் புகைப்பட அடையாள அட்டை
வாக்காளர் புகைப்பட அடையாள அட்டை தொடர்பாக
வாக்காளர்களுக்கு ஏதாவது சந்தேகம் இருந்தால் அந்தந்தப் பகுதியில் உள்ள
வாக்குப்பதிவு அதிகாரிகள், துணை வாக்குப்பதிவு அதிகாரிகள், வாக்குச்சாவடி
அதிகாரிகளை தொடர்பு கொள்ளலாம்.
வாக்காளர் புகைப்பட அடையாள அட்டைக்கான
மையங்கள், வாக்குப்பதிவு அதிகாரிகள், உதவி வாக்குப்பதிவு அதிகாரிகளின்
விவரம் மேற்கண்ட இணையதளத்தில் இடம்பெற்றுள்ளது.
இவ்வாறு அதில் கூறப்பட்டுள்ளது
No comments:
Post a Comment